النادى الاسماعيلى ياجبل مايهزك ريح .. الرياح تحولت لأعاصير .. ربنا يستر .
الجهاز الفنى .. المأموريه صعبه جدا ولكنكم قدها وقدود.
اللاعبين .. اليوم أفضل من مباراة الجونه وبتروجيت ولكن النتيجه سيئه لأن التعادل على ارضنا معناه الهزيمه.
حسنى عبد ربه .. مجهود وافر ياريت الفريق كله زيك بس ليه لعبت 5 كرات ثابته بنفس الاسلوب إللى خلى الهانى سليمان يظهر بطل..؟
محمود وحيد.. رائع كالعادة.. الصبر جميل.
احمد حجازى.. صمام امان ومستقبل رائع كأحسن مدافع فى مصر ..غلطتك الوحيده انك عملت خداع لصبحى نتج عنه هدف الاتحاد.
ابراهيم يحيى .. حمدالله على السلامه.
مهاب سعيد.. ياترى وجودك فى المباراة من البدايه أو تنزل بديل افضل ؟؟
حمص.. انت فين ؟؟؟؟
جمهور الدراويش.. دائما اقول إنهم سبب الانتصارات ولكن لماذا الاصرار على معاقبة النادى بالغرامات ونقل المباريات واخيرا اللعب بدون جمهور .. ياترى بتعاقبوا نفسكم ولا إيه ؟ ولا الروح الإنتحاريه أللى مكتوبه على المدرجات بتطلع على الاسماعيلى بس ؟؟؟
الهانى سليمان.. ممثل قدير .. قمت بدور اساسى فى استفزاز الجمهور اليوم !!!
جمهور الاتحاد.. بنحبكم جدا.. بس إللى حصل فى المباراة من تعديكم على الامن وعلى جماهير الاسماعيلى بيخلينا نعتقد ان جمهور الاتحاد الحقيقي لم يأت !!!
الشباب والرياضه بالاسماعيليه.. بعد شكوتنا لربنا منكم بنشتكيكم لحسن صقر لو بيهتم..مش عاوزين منكم حاجه ولكن الساعه الاليكترونيه ليه لم تعمل لثالث مباراة؟؟ هل عاملين إضراب ولا إيه ؟وهل ده عقاب لجماهير الاسماعيلى؟؟
الأمن.. إذا استمر الاداء على هذه الصورة .. الانطباع الذى سيسود ان هناك تعمد ان كل الاحداث التى نراها تسعدكم !! ومن وجهة نظرى الامن قادر على التصدى لكل التجاوزات.. ولكن ما نراه الان يضع اكثر من علامة استفهام ؟؟؟ ولو استمر موقفكم بهذ الطريقه.. ابشركم .. الدورى مش هيكمل.
حكم اللقاء.. كالعادة ظلمت الاسماعيلى .. شاهد تسجيل المباراة وهتعرف انك تحولت لشخص غير مرغوب فيه فى الاسماعيليه .. وياترى ضميرك كده مرتاح؟؟!
محمد نصر مخرج المباراة .. كونك اهلاوى اسكندرانى وكونى احترمك كزميل لى .. عايز اسألك ليه تركيزك بس على جماهير الاسماعيلى ومحاولة ادانتهم بكل السبل ؟؟
جماهير الاسماعيلى الحقيقيه .. اصبروا.. الصبر جميل.
1 Comment
Comments are closed.