الاسم : محمود متولى من مواليد : 4-1-1993 ولد في محافظه المنصوره
س \ كيف التحقت بالاسماعيلي ؟
الاهل عايشين فى العريش و فى سنه 2002 كان فى مهرجان الموهبيين بقياده الكابتن على ابو جريشه و الكابتن سونه و فى الوقت ده كان عندي 9 سنين و كان عليا انطباع جيد و قال الكابتن على ابو جريشه انى عندي عقليه كوره .
ماذا حققت مع الاسماعيلي من بطولات فى قطاع الناشئين و البراعم ؟
حققت دوره صيد و 4 بطولات منقطه .
و ماذا عن مدربيين الاسماعيلي فى قطاع الناشئين ؟
استفدت كثيرا من الكابتن رضا صديق و ايمن خليل و ناصر البكستاني و الكابتن اشرف خضر و اكثر مدرب ساعدني فى التدريبات هو الكابتن سمير مرعي و هو ايضا من اكتشفنى فى مركز نص الملعب و الكابتن احمد فكري الصغير هو سبب صعودي لدرجه الاولى و الكابتن على ابو جريشه هو من رشحني للعب كلبرو .
و ماذا عن اللعب مع المنتخب ؟
لعبت منتخب الشباب تحت قياده الكابتن ربيع ياسين و حققنا بطوله افريقيا سنه 2013 و كانت فى الجزائر و تغلبنا على غانا بضربات الجزاء و كنت بلعب ليبرو و من اكذر اللاعبين اللى لفتت نظري صالح جمعه و اتمني اللعب لمنتخب مصر الاول و احلم بالصعود الى كأس العالم .
أكثر اللاعبين تاثير فى اسلوب و طريقه لعب محمود متولى ؟
الكابتن حسنى عبد ربه و الكابتن عمرو السوليه و الكابتن محمد حمص و بوسكيتس لاعب برشلونه و منتخب اسبانيا .
كيف مرت الاصابه على محمود متولى ؟
6 شهور لازم يتمسحوا من تاريخ حياتي و عرفت منها مين الكويس و مين السيئ فى التعامل معي و كان لازم اتعب عشان ربنا يكرمني و تاثرت كثيرا لان ملقتش اى حد جمبي و لكن الكابتن حسنى هون الدنيا عليا و مكنتش اتوقع رجوعي فى وقت قصير .
أحلامك مع النادي الأسماعيلي ؟
نفسى احصل على بطوله مع النادي و لحد دلوقتى بطوله 2002 هيا اكثر بطوله بيذكر فيها جمهور الاسماعيلي اسماء اللاعبين اللى شاركوا و حققوا البطوله دي و نفسى اكون مثل هؤلاء اللاعبيين و ليس مجرد لاعب لعب فى الاسماعيلي و غادر من غير ما يكون له تاثير .
و ماذا بخصوص الاحتراف الخارجي ؟
نفسى العب فى اسبانيا و الكوره الاسبانيه هيا اكثر كوره بتعجبني .
وجه جمله للاعبي النادي الاسماعيلي ؟
الكوره حاليا بزنس و اللاعيبه لازم تتعب و مش هتقدر تجيب بطوله فى ظل الراحه الي فيها اللاعيبه و يجيب ان يكون هناك روح .
كلمه للجمهور ؟
انتم من اعطانا الروح و لازم تقفوا جمب الفريق فى اى حال من الاحوال سواء كان الفريق سيئ او جيد و لا انسى وقوف الجمهور جمبي بعد الرجوع من الاصابه و التحيه و الاشاده من الجمهور بعد نزولى فى مباراه سموحه اللى كسبنها 3/1 و لازم كلنا تبقي حاجه واحده اداره و لاعيبه و جمهور .
حاوره : شادي يوسف
