يرصد لكم الموقع الرسمي للنادي الاسماعيلي ذكريات المدرب السابق للفريق كرم جابر من خلال سطور والتعرف علي ابرزها وماهي الانديه التي شارك بها وابرز اهدافه وطموحاته في المرحله القادمه والفتره السابقه مع النادي الاسماعيلي وعن اللاعبين البارزين في صفوف النادي الاسماعيلي ومستقبل النادي وغيرها من الامور من خلال بعض السطور “كرم جابر علي مواليد 21/2/1973” .
الانديه اللى لعبت فيها ؟!
التصنيع فى سن 12 سنه – الزمالك فى سن 15 سنه – الاسماعيلي فى سن 19 سنه – المقاولون فى سنه 27 سنه – غزل المحله فى سن 28 سنه .
* تفاصيل أنتقالك للاسماعيلي ؟
جئت الى الاسماعيلي عن طريق الصدفه و كان الزمالك واخد دوري سنتين و كنت بلعب خماسى مع اخواتي فى نادي الفرنساوي و شاهدني الكابتن جمال هلتون ( عضو مجلس الاداره السابق ) و كلم الكابتن اسماعيل حفني و تم التعاقد معي و بفضل الكابتن شحته تطور ادائى فى لعب كوره القدم و هو من اكتشفني فى مركز الباك اليمين .
*كم عدد الاهداف فى مسيرتك ؟
7 أهداف طوال مسيرتي مع الاسماعيلي .
* اهداف مقربه الى قلبك ؟
هدفى فى المنصوره و هدفى فى المنيا ( بزي الاسماعيلي )
و لا انسى هدفي الذى صنعته للعتراوي الذى احرزه فى مرمي الاهلى فى سنه 2002 و الذى ساهم فى حصول الاسماعيلي على بطوله الدوري .
و ماذا بخصوص المنتخب ؟
لعبت مع منتخب مصر تحت قياده الشيخ طه و ايضا تحت قياده الرومانى ميريكا راديلسكو .
و ماذا عن رحلتك مع التدريب ؟
مدير فني لفريق الاسماعيلي 19 سنه و حصلت معه على بطوله المنطقه .
مدير فني لفريق الاسماعيلي 20 سنه و حصلت على ثالث الجمهوريه .
مساعد مع الكابتن ايهاب جلال لفريق الحمام .
مدير فني لفريق الحمام 4 سنين .
مدرب عام لفريق الاسماعيلي الاول .
* حققت بطوله مع الاسماعيلي و هيا كأس مصر , حدثنا عنها ؟
الاسماعيلي كان بيمر بظروف صعبه بعد الخساره من الاهلى 6-0 و الخروج من بطوله افريقيا و كان قدام الفريق تحقيق هدف واحد و هو تحقيق الكأس من امام الاهلى , و يتذكر ان لاعبي الفريق كانوا بيحبوا بعض لاقصى درجه و كان يوجد روح و فريق الاسماعيلي كان فى العديد من الاسماء فى هذه الفتره فى منتخب مصر امثال ( محمد صلاح ابو جريشه – عاطف عبد العزيز – فوزي جمال – حمزه الجمل – بشير عبد الصمد – احمد فكري الصغير – كرم جابر ) .
و كان اقرب اللاعبيين الى قلبي كابتن سعفان الصغير و السيد السويركي و ايهاب جلال و ايمن رجب و فوزي جمال , و كان كل لاعب من الفريق يوميا يعزم كامل اعضاء الفريق على الغذاء من اكل البيت الخاص به و كان من ابرز اللحظات الحصول على الكاس و الافراح مع كل لاعب من الاسماعيلي فى مكان مختلف في الاسماعيليه .
* و ماذا عن طموحاتك ؟
بتمني الحصول على بطوله مع الاسماعيلي كما حصلت عليها و انا لاعب و اتمني ان اري الاسماعيلي فى وضع يليق به و الاسماعيلي له فضل كبير على اللاعبين و يتمني ان تكف الجماهير عن الحرب ضد الاسماعيلي و نفسي اشوف الناس زي زمان و ليس طرف مع او ضد و يتمني ان يري الجمهور يشجع الفريق فقط بعيدا عن حب اشخاص او كره اشخاص و يتمني ن يري الجمهور وراء النادي و لو سنه واحده .
* ما الذي تعلمته من النادي الاسماعيلي ؟
اتعلمت و عرفت قيمه النادي الاسماعيلي و عرفت قد ايه هو نادي كبير و لازم الكل يعرف هذا و من غير النادي الاسماعيلي مكنش هيكون فى كرم جابر و بسبب النادي الاسماعيلي انا دائما مرفوع الرأس .
*أكثر اللاعبين فى الجيل ده اعجاب من الكابتن كرم جابر ؟
عمر الوحش – محمد فتحي – شكري نجيب .
* تقول ايه لكل لاعب عايز يمشى من الاسماعيلي ؟
هقوله كلمه واحده بس ان النادي الاسماعيلي كل سنه بيغير تيم كامل بقاله 15 سنه و ان اللاعب اللى هيمشى هيكون خسران و رغم تغير الاسماعيلي للاعبين لم يقف على لاعب واحد و لم تهتز صورته بالعكس اللاعب هو الخاسر الاكبر .
*ماذا يحتاج الاسماعيلي للعوده الى منصات التتويج :
الاسماعيلي محتاج موارد ثابته للحصول على بطولات و يتمني مساعده كل الجمهور للفريق
حاوره : شادي يوسف
