نشرت الصفحة الرسمية الخاصة بجروب ألتراس النادى #الإسماعيلى ” يلو دراجونز ” بيانا بشأن الأحداث الأخيرة التى يمر بها النادى #الإسماعيلى … ونصه كالأتى :
توضيح هام … البيان باللغة العامية عشان اللي مبيفهمش يفهم !
بعد اﻻحداث اﻻخيرة ، ومن اﻻخر احنا دورنا كمجموعة هيكون التوسط لحل الخلافات بين كل اﻻشخاص و الوقوف يد واحدة من اجل انقاذ ما يمكن انقاذه الموسم ده ، و العمل استراتيجية واضحة للموسم القادم .
بداية ، لو في اي شخص في #إسماعيلية او بره هيتصدر و يقول انه قادر على تحمل مسؤولية النادي في الوضع الحالي و اعتدته لمكانه الطبيعي ، فاحنا اول ناس هنروح نجيب الشخص ده و ننهي فترة ابو السعود . بشرط واضح هو انه يتحمل المسؤولية ادام الناس كلها و يقولها بوضوح و صراحة و يتحاسب على كلامه .
طيب ، لحين ده ما يحصل او لو محصلش ، احنا هنتوسط و هنقعد كل اﻻطراف المختلفة مع بعض على ترابيزة واحدة و بهدف واحد ، انقاذ النادي من وضعه المتردي الحالي . و اﻻطراف دي هيتذكروا باﻻسم ، سواء ليهم مشاكل او خلافات مع اﻻدارة الحالية ، او اشخاص يمكن اﻻستفادة بخبراتهم في حل اﻻزمة الراهنة . و اي شخص عنده حلول تساعد و قابلة للتنفيذ .
و عليه فاحنا بنوجه دعوة لكل من
( الشخصيات العامه بالإسماعيلية , ونواب الإسماعيليه ونجوم الدراويش القدامى و كل من يعشق ويحب النادى الإسماعيلى )
و التواصل هيتم من خلالنا مع كل الناس دي لتحديد موعد عاجل لحل اي أزمات موجودة و وضع تصور عام بالتوازي مع تصورنا اللي موجود لحل اﻻزمة . و هنرفقة مع البوست
و الكلام ادام الكل ، اللي هينورنا اهلا و سهلا و اللي هيتهرب هنقول برده ادام الكل .
حلول مقترحة من قبل المجموعة ” خطة عمل ” .
المجد للكيان !
جمال السيد
