علاء وحيد يكتب جره قلم من وحى الاعلانات

بقلم علاء وحيد

1-      جماهير الكره : الدوري امانه لديكم لو تم إلغائه أنتم السبب ( والحق ميزعلش حق )

2-      المسئول إياه  : الى بيحاول إن الأهلى يلعب مع الإسماعيلى بجماهيره – إرضاء للقلعة الحمراء . محاولاتك مفقوسة ولن تنجح

و الأسبوع السابع سيقام قبل الاسبوع الثامن لان الجمعة ياتى قبل الخميس وليس العكس وهناك 10 انديه تضامنت مع الإسماعيلى ولن تلعب اى مباراه قبل مباريات الاسبوع السابع و عزيزى المسئول إياه استخدم ( مناديل التحكم فى الوقت )

3-      اللاعب الناشئ إياه : لسه يابنى لم تخرج من البيضه والغرور تملكك أوعى تصدق انك لاعب كبير – لسه بدرى جداً عليك . وإذا نسيت فضل النادى وجماهيره عليك . لا تلوم إلا نفسك ، و إذا كان اللاعب اياه مثلك الأعلى فيوجد لاعب اسمه حسنى عبدربه ياريت تقلده فى حبه للنادى وانصحك بإستخدام ( الأكثر جفافاً على الأطفال اثناء النوم )

4-      السمسار اياه : دائماً تصرخ بأنك لا تنتمى للنادى إياه ولكن واضح إن كراهيتك للاسماعيلى فاقت الحدود واخرها محاوله تهريب لاعب الاسماعيلى الناشئ أقولك ايه ( اشرب من نيلها والبس قطونيلها )

5-      دكتور رافت عبدالعظيم ومجلس الإداره مجهودكم كبير فى كل الاتجاهات لصالح النادى ربنا يوفقكم .. واقدر اقول للدكتور رافت بالحق و بالالتزام وحب الناس واقدر اقول لك ( القوه بين اديك )

6-             المراسل اياه : انت لسه بتالف اخبار النادى من دماغك ؟ ياريت تتعب نفسك شويه .. على الاقل اخبارك تبقى سليمه وعنده حق الجمهور لما قالك ( جديد ومفتكس ولذيذ وزيه متلاقيش )