جرة قلم …..من علاء وحيد عن مباراة الاسماعيلى والداخلية

جماهير الاسماعيلى انا فرحان جدا ان إحنا النهارده  فرحانين لان الاسماعيلى يستحق الفوز النهارده نفسي نعرف نحضر المباريات فى الإستاد  .. ممكن ؟؟

محمود جابر والجهاز الفني …… يوم صعب عليكم النهارده وإدراره المباراة أكثر من رائعة ويكفى الروح والحماس للاعبي الاسماعيلى فى الشوط الثاني محمود جابر اثبت انك كتش لأن الكتش الحقيقي هو اللى يعرف يخلى لاعبيه وحوش في الملعب

حسنى عبد ربه …. لاعب بمليون لاعب وهداف للدوري واثبت ان ثمنك يساوى وزنك وذهب

عمرو السوليه … رجعت أخيرا لمستواك ولما عدت الاسماعيلى عاد

محمد صبحى … إنقاذ كرة لاما يعادل الثلاث نقاط المنتخب في انتظارك

احمد حجازى .. اصغر لاعب فى الملعب وأكثر اللاعبين طولا وعطاء

احمد على … أخيرا شفنا احمد على بتاع الهلال السعودى

جودوين …. لاعب رائع صغرت عشرين سنه بس كبرت في نظر كل الاسمعلاويه

احمد صديق ….كنت هتعملها بهدف مارادوني نتمنى لك السلامة كلنا بنحبك اذدات غلاوتك بعد الاصابه خلعت قلوب كل الاسمعلاويه الف سلامة

محمود وحيد ….لاعب منتخب مصر الأول بعد ثلاث سنوات

احمد سمير فرج …. أعدتك احتياطي رجعتك لمستواك مبروك عليك عودتك اساسى طوال الموسم

مهاب سعيد …. بعد المباراة الماضية قولت أنك احتياطي افضل من اساسى بعترفلك يابنى ان وجودك اساسى لابد منه

احمد خيرى … لمناك بعد الهدف ولكن احمد خيرى لاعب منتخب راجع راجع

ابراهيم يحى ……كبرت قبل سنك وشلت هم كثير النهاردة وكنت قدها وقدود جدد ياله مكانك الوحيد فى مصر هو الاسماعيلى

علاء عبد العال …. دفعت جرأتك على الاسماعيلى اعملها مع كل الأندية بس بلاش تعملها مع الاسماعيلى تانى

ادارة الاسماعيلى ….. قلوبنا جميعا معاكم بتحاربوا معركة وهى الوقت نقص الإمكانيات التربص الظروف المعاكسة بس انتم قدها وقدود وهتعمولها

توفيق السيد حكم اللقاء …… الوزن الزائد يعادل مع الحكم الفشل حاولت ان تكون على قدر المباراة نجحت فى اوقات وفشلت فى بعض القرارات هتعود من أحسن حكام الدوري المصري بشرط ان تقوم بلف  اى ملعب عشرين مرة قبل اى مباراة

ادارة نادي الداخليه …… محترمين كالعادة وسماحكم لجماهير الاسماعيلى  الدخول مجانا مبادرة نلتم من خلالها احترام كل الاسمعلاويه

شركة اطياب … وشكم حلو أتمنى اقول كده الأسبوع القادم لخمس شركات

العمارات  المجاور ه لإستاد النادى الاسماعيلى  .. استنونا هنبقى موجدين كلنا وكل واحد معاه شمروخه عشان نشجع الاسماعيلى امام انبى

الى حمام ومجدى الشربينى …………انا عارف انكم هتقودو الجماهير فوق السطوح بلاش والنبى تقفوا على السور محتاجينكم فى مباراة الاهلى